სიახლეები

თიანეთის მუნიციპალიტეტის მერმა ლევან წიკლაურმა მერიის კონტრაქტორი სამშენებლო და საზედამხედველო კომპანიების წარმომადგენლებთან სამუშაო შეხვედრა გამართა.

შეხვედრაზე მხარეებმა ინფრასტრუქტურული პროექტების მიმდინარეობა და სამუშაოების შესრულების გეგმა-გრაფიკი განიხილეს.

ლევან წიკლაურმა განსაკუთრებული ყურადღება პროექტების ხარისხიანად და ხელშეკრულებით გათვალისწინებულ ვადებში შესრულების აუცილებლობაზე გაამახვილა და განმარტა, რომ აღნიშნული საკითხი მუნიციპალიტეტის ერთ-ერთი მთავარი პრიორიტეტია.

შეხვედრას ესწრებოდნენ საკრებულოს თავმჯდომარე ნიკოლოზ დიდებაშვილი, მერის პირველი მოადგილე გიორგი ბურდულაძე, მოადგილე ზურაბ ბექაური და მერიის შესაბამისი სამსახურების ხელმძღვანელები.