სიახლეები

თიანეთის მუნიციპალიტეტის მერი ლევან წიკლაური, მცხეთა-მთიანეთის მხარის დელეგატთან დიმიტრი ხუნდაძესთან ერთად, მრავალშვილიან დედებს ესტუმრა.

ხელისუფლების წარმომადგენლებმა ქალბატონებს დედის დღე მიულოცეს და სიმბოლური საჩუქრები გადასცეს.

„ზარიძეებში, ტუშურებსა და დაბა თიანეთში მცხოვრებ მრავალშვილიან დედებს ვესტუმრეთ და მადლობა გადავუხადეთ იმ უდიდესი შრომის, თავდადებისა და პასუხისმგებლობისთვის, რომელსაც ყოველდღიურად იღებენ შვილების აღზრდის პროცესში.

ადგილობრივი ხელისუფლებისთვის ოჯახების მხარდაჭერა პრიორიტეტულია და მომავალშიც ყველაფერს გავაკეთებთ, რათა თითოეულმა დედამ იგრძნოს ჩვენი გვერდში დგომა," - განაცხადა ლევან წიკლაურმა.