სიახლეები

ინტენსიური თოვის გამო, თიანეთის მუნიციპალიტეტში, საავტომობილო გზებზე ავტოტრანსპორტის შეუფერხებელი მოძრაობის უზრუნველსაყოფად, შესაბამისი ღონისძიებები მიმდინარეობს.

დილიდან იწმინდება როგორც დედაქალაქთან, ისე მეზობელ მუნიციპალიტეტებთან და ადმინისტრაციულ ცენტრთან დამაკავშირებელი გზები, იყრება ქვიშა-მარილის ნარევი.

თიანეთის მუნიციპალიტეტის მერის ლევან წიკლაურის განცხადებით, გზის წმენდის ღონისძიებები, საჭიროების შესაბამისად, ყველა ლოკაციაზე გაგრძელდება.

თიანეთის მუნიციპალიტეტის მერია მოგიწოდებთ, გადაადგილდეთ ზამთრის სეზონისთვის შესაბამისი საბურავებით და გამოიჩინოთ მაქსიმალური სიფრთხილე მოძრაობისას!