სიახლეები

საქართველოს რეგიონებში განსახორციელებელი პროექტების ფონდის დაფინანსებით, დაბა თიანეთში ცენტრალური მოედნის, ვაჟა-ფშაველასა და ჯანგირაშვილის ქუჩების მოასფალტების სამუშაოები აქტიურად გრძელდება.

პროექტის მიმდინარეობის პროცესს საქართველოს პარლამენტის წევრი, მცხეთა-მთიანეთის დელეგატი დიმიტრი ხუნდაძე და თიანეთის მუნიციპალიტეტის მერი ლევან წიკლაური ადგილზე გაეცნენ.

სამუშაოების ფარგლებში, გზის საპროექტო მონაკვეთზე გათვალისწინებულია ორფენიანი ასფალტ-ბეტონის საფარის, საფეხმავლო ტროტუარების, სანიაღვრე არხების, ეზოში შესასვლელებისა და გზის მიერთებების მოწყობა, ასევე გზა მოინიშნება და განთავსდება საგზაო ნიშნები.

პროექტის სახელშეკრულებო ღირებულება 1 090 000 ლარს შეადგენს.