ჟებოტისა და ღულელების საჯარო სკოლების მოსწავლეთა გუნდები ბადმინტონში საქართველოს ჩემპიონები გახდნენ.
"გამარჯვებას ვულოცავ ჩვენს საამაყო სპორტსმენებს და მათ მწვრთნელებს, რომლებმაც მოსაგებად ძალისხმევა არ დაიშურეს. ასევე ვულოცავ მოსწავლეთა მშობლებს, სკოლის პედაგოგებსა და სრულიად თიანეთის მოსახლეობას. მრავალ წარმატებასა და გამარჯვებას ვუსურვებ ჩვენს ახალგაზრდებს, " - განაცხადა ლევან წიკლაურმა.
ბადმინტონის ჩემპიონატში სოფელ ჟებოტის საჯარო სკოლის ვაჟთა გუნდმა, ანგარიშით 63:31, დაამარცხა ხულოს მუნიციპალიტეტის სოფელ დიოკნისის საჯარო სკოლის გუნდი და ზედიზედ მესამედ გახდა საქართველოს ჩემპიონის ტიტულის მფლობელი.
სოფელ ღულელების საჯარო სკოლის გოგონათა გუნდმა ქალაქ ქუთაისის N21 საჯარო სკოლის გუნდთან გამარჯვება ანგარიშით - 63:29 შეძლო და ზედიზედ მეორედ გახდა საქართველოს ჩემპიონი ბადმინტონში.
ჩემპიონატის საუკეთესო მოთამაშეებად თიანეთის მუნიციპალიტეტის სპორტსმენები - გიორგი დოლიაშვილი და ლიკა არაბული დასახელდნენ.
-
თიანეთის მუნიციპალიტეტის მერიასა და ა(ა)იპ-ს - „ახალგაზრდობა და ვეტერანები ეროვნული თავდაცვისა და უსაფრთხოებისთვის“ - შორის ურთიერთთანამშრომლობის მემორანდუმი გაფორმდა. -
ჟებოტისა და ღულელების საჯარო სკოლების მოსწავლეთა გუნდები ბადმინტონში საქართველოს ჩემპიონები გახდნენ -
თიანეთის მუნიციპალიტეტის მერი ლევან წიკლაური საქართველოს ადგილობრივ თვითმმართველობათა ასოციაციის შეხვედრას დაესწრო