სიახლეები

თიანეთის მუნიციპალიტეტის მერმა ლევან წიკლაურმა, შესაბამისი სამსახურების წარმომადგენლებთან ერთად, სოფელ ჭანდრისხევში საავტომობილო გზის სარეაბილიტაციო სამუშაოები დაათვალიერა.

პროექტის ფარგლებში, სოფლის ცენტრალურ გზაზე ორფენიანი ასფალტ-ბეტონის საფარი დაიგება, ასევე დაგეგმილია სანიაღვრე არხების, გზის დაერთებებისა და ეზოში შესასვლელების მოწყობა.

ლევან წიკლაურის განცხადებით, პროექტის განხორციელება ხელს შეუწყობს მოქალაქეების კომფორტულ გადაადგილებას.

სამუშაოები საქართველოს რეგიონებში განსახორციელებელი პროექტების ფონდიდან ფინანსდება.