სიახლეები

თიანეთის მუნიციპალიტეტის მერმა ლევან წიკლაურმა, კონტრაქტორი კომპანიისა და მერიის შესაბამისი სამსახურების წარმომადგენლებთან ერთად, დაბა სიონში სკვერთან მისასვლელი გზის მოწყობის სამუშაოები დაათვალიერა. საავტომობილო გზის საპროექტო მონაკვეთზე გათვალისწინებულია არმირებული ცემენტო-ბეტონის საფარის და რკინა ბეტონის სანიაღვრე ღარების მოწყობა. პროექტის განხორციელების შემდგომ კეთილმოწყობილი გზა მოემსახურება როგორც განახლებული სკვერით, ისე სარიტუალო დარბაზით მოსარგებლე მოსახლეობას. პროექტი ფინანსდება საქართველოს რეგიონებში განსახორციელებელი პროექტების ფონდიდან და სახელშეკრულებო ღირებულება შეადგენს 110 000 ლარს.