თიანეთში ბავშვთა დაცვის საერთაშორისო დღე ღონისძიებით აღინიშნა
თიანეთის მუნიციპალიტეტის მერი ლევან წიკლაური ბავშვთა დაცვის საერთაშორისო დღესთან დაკავშირებით გამართულ ღონისძიებას დაესწრო.
თიანეთის მუნიციპალიტეტის მერიის ორგანიზებითა და მხარდაჭერით, დაბა თიანეთის ვაჟა-ფშაველას სახელობის კულტურისა და დასვენების პარკში მუსიკალურ- გასართობი ღონისძიება გაიმართა.
მოწვეულმა შემსრულებლებმა პატარა მაყურებლებისთვის თოჯინების თეატრის სპექტაკლი წარმოადგინეს. გაიმართა ზღაპრის გმირების შოუ. მოეწყო გიგანტური საპნის ბუშტების მასტერკლასი, ბავშვთა გასართობი თამაშები და სხვა სასცენო აქტივობები.
ღონისძიებაზე მოსული ყველა ბავშვი მერიისგან ტკბილეულით დასაჩუქრდა.
თიანეთის მუნიციპალიტეტის მერია ყველა პატარას ულოცავს ბავშვთა დაცვის საერთაშორისო დღეს და უსურვებს ბედნიერ მომავალს!
-
თიანეთის მუნიციპალიტეტი კამპანია „არა ნარკოტიკის“ ფარგლებში მიმდინარე მინი-ფეხბურთის ჩემპიონატს შეუერთდა -
შიდა საავტომობილო გზის სარეაბილიტაციო სამუშაოები სოფელ ჭანდრისხევში -
მუნიციპალიტეტში რეგისტრირებული 18 წლამდე ასაკის შშმ პირები საკურორტო-სანატორიული მომსახურებით ისარგებლებენ