სიახლეები

რამდენიმედღიანი გადაუღებელი თოვის პარალელურად, თიანეთის მუნიციპალიტეტში საავტომობილო გზების გაწმენდითი სამუშაოები აქტიურად გრძელდება. 

 შესაბამისი სპეც. ტექნიკით იწმინდება დედაქალაქთან, მეზობელ მუნიციპალიტეტებთან და სოფლებს შორის დამაკავშირებელი საავტომობილო გზები. 

გაწმენდითი სამუშაოების მიმდინარეობისას გზებზე იყრება ქვიშა-მარილის ნარევი.

 ამ წუთებში, ინტენსიური თოვის პარალელურად, გაწმენდითი სამუშაოები მიმდინარეობს დედაქალაქთან დამაკავშირებელი საავტომობილო გზის როგორც ცხვარიჭამიის, ისე ჟინვალისა და ხევსურთსოფელი-სასადილოს მიმართულებით. 

მოგიწოდებთ, გადაადგილდეთ ზამთრის პერიოდისთვის შესაბამისი საბურავებით, გამართული ავტოტრანსპორტით და გამოიჩინოთ მაქსიმალური სიფრთხილე გადაადგილებისას.